NBA ka dhuruar një nga ndeshjet gjysmëfinale të play-off më të bukura në Konferencën e Lindjes, ku Philadelphia triumfoi në shtëpi 116-115 vetëm pa kohës shtesë, duke barazuar në 2-2 serinë e takimeve.
Në gjysmën e parë vendasit luajtën mirë dhe krijuan 9 pikë diferencë, ndërsa miqtë jo vetëm e zeruan në fund, por krijuan edhe 5 pikë diferencë, por që nuk arritën ta mbajnë në minutën e fundit, me Philadelphian që barazon në limit.
Në shtesë ka shumë rishikime të VAR, ndërsa në fund një trepikësh i Harden i dha fitoren ekipit. Harden me 42 pikë ishte më i miri në parket, i ndihmuar edhe nga Embiid me 34 pikë dhe 13 rebound.
Në Konferencën e Perëndimit, ekipi i Phoenix i shfrytëzoi në maksimum dy ndeshjet e luajtura në fushën e tij, duke i fituar të dyja. Suns mundën së fundmi 129-124 Denver, duke barazuar 2-2 serinë e gjysmëfinaleve.
Nikola Jokic realizoi 53 pikë e 11 asist për Denver, por që mbetën për statistikë. Në kahun tjetër, Kevin Durant e Devin Booker realizuan nga 36 pikë secili, duke i dhuruar fitoren skuadrës së Phoenix.
