Klubi i Valencias reagon për rracizmin ndaj Vinicius, përjashtim përjetë për dy tifozët

113 563 lexime

124,178FansaPëlqeje

Valencia do të përjashtojë përgjithmonë nga “Mestalla” ata tifozë që lëshuan thirrje raciste dhe ofendime ndaj Vinicius Junior gjatë ndeshjes kundër Realit të Madridit.

Klubi ka analizuar pamjet e regjistruara nga kamerat e sigurisë gjatë mëngjesit deri në gjetjen e momentit në të cilin shihet se të paktën dy tifozë kanë bërë gjeste raciste (duke imituar gjestet e majmunit).

Pasi u përzgjodhën pamjet nga Njësia Qendrore Operative e Mestallas, klubi i vuri në dispozicion të policisë për të vazhduar me identifikimin e personave të përfshirë në këto ofendime raciste.

Klubi konfirmon se njëri nga dy personat tashmë është identifikuar dhe se po punohet për të zbuluar identitetin e tjetrit.

Deklaratë zyrtare nga Valencia

“Valencia, në angazhimin e saj të përhershëm kundër racizmit dhe dhunës në të gjitha format e saj, njofton se policia ka identifikuar një tifoz që bëri gjeste raciste ndaj Vinícius Jr në ndeshjen e e javës së 35-të kundër Realit të Madridit, të luajtur në “Camp de Mestalla” dhe po punohet në mënyrë të koordinuar për të konfirmuar identitetin e të implikuarve të tjerë të mundshëm.

Nga momenti i ngjarjes po analizohen të gjitha regjistrimet e disponueshme, duke punuar sa më shpejt për zbardhjen e asaj që ka ndodhur për të vepruar shpejt dhe me forcë.

Valencia ka hapur dosjen disiplinore, për të përjashtuar përjetë nga stadiumi tifozët që fyen Vinicius Jr. dhe po bashkëpunon me Policinë dhe organet kompetente për zbardhjen e asaj që ka ndodhur.

Klubi dënon ashpër këtë lloj sjelljeje, e cila nuk ka vend në futboll dhe në shoqëri dhe që nuk korrespondon me vlerat e Valencia CF dhe tifozët e saj.

Në këtë mënyrë, ne rikonfirmojmë qëndrimin tonë kundër racizmit duke vepruar me të njëjtën forcë si në vitin 2019, kur një tifoz që bëri gjeste dhe përshëndetje fashiste ndaj tifozëve të Arsenalit gjatë ndeshjes së UEFA Europa League, u përjashtua përjetë.”

Të fundit

“Gara nuk ishte e barabartë!” Çfarë shkroi sot Fatmir Xhafaj për zgjedhjet?

Fatmir Xhafaj do të jetë sërish në Parlament, pasi ishte një nga më të votuarit në listën e hapur...

Hida, studentja e Mjekësisë që fitoi vendin e dytë për punim shkencor në Turqi

Rrëmbeu çmimin e dytë pak ditë më parë në Turqi në një konferencën ndërkombëtare të studentëve të mjekësisë. Prezantimi i saj oral për “Nivelet...

Papa i ri na jep lajmin e keq: Vatikani nuk e njeh Kosovën, por…

Papa Leon i katërmbëdhjetë emëroi Luigji Bianko si Nunc Apostolik në Slloveni dhe Delegat Apostolik në Kosovë. Kështu raporton media e Vatikanit, që saktëson...

Po mbyteshin në det, anija shqiptare “Butrinti” u vjen në ndihmë 13 emigrantëve

Një operacion i suksesshëm nga djemtë dhe vajzat tona të Forcës Detare u regjistrua sot në Detin Egje. Anija “Butrinti” P-134, pjesë e misionit të...

U fundos para 170 vitesh, zbulohet në brigjet australiane anija e shekullit të XIX

Pas gati 170 vitesh të zhdukur nën ujërat e trazuara të bregdetit të Australisë Jugore, arkeologët detarë kanë zbuluar rrënojat e anijes tregtare holandeze...

Lajme të tjera

Web TV