Barcelona fitoi thellë 3-0 me Mallorcan në javën e parafundit të La Ligas, e fundit në “Camp Nou” për këtë sezon, teksa stadium mitik i katalanasve do t’u nënshtrohet punimeve që do të zgjatin të paktën një vit.
Një mënyrë e mirë për të përshëndetur dy ikona të klubit “blaugrana”, Jordi Alban dhe Sergio Busquets, të cilët nuk do të jenë më pjesë e Barcelonës me përfundimin e sezonit.
Sa i përket kronikës së ndeshjes, Barcelona e zgjidhi shumë shpejt teksa Ansu Fati realizoi dy gola të shpejtë në minutat 1’ dhe 24’.
Nga minuta e 14-të, Mallorca luajti me një lojtar më pak për shkak të ndëshkimit të Ndiaye me karton të kuq.
Në superioritet numerik, Barcelona e pati të lehtë për ta menaxhuar lojën, madje shënoi edhe një gol të tretë me anë të Gavit në minutën e 70-të.
