Max Verstappen dominoi edhe në Çmimin e Madh të Monacos teksa piloti holandez u nis nga vendi i parë dhe e ruajti atë për të gjithë garën. Verstappen lëshoi një tjetër sinjal se këtë sezon ai dhe RedBulli i tij janë të pakapshëm, megjithatë Fernando Alonso beson tek titulli kampion dhe pas vendit të dytë të regjistruar në Monaco, shprehet se do të luftojë deri në fund pavarësisht vështirësive.
“Kampionati është i gjatë dhe ne nuk dorëzohemi kurrë. RedBulli është i paprekshëm, por edhe pas gjithë këtyre rezultateve të tyre ne sërish jemi aty. E mbaj mend edhe në vitin 2010 kur isha tek Ferrari, nuk kishim makinën më të mirë por ishim në garë deri në garën e fundit.q
Do të presim sepse me siguri do të ketë fundjava ku edhe RedBulli do të ketë vështirësi dhe aty duhet të përfitojmë. Nëse Max gabon në një apo dy gara, do t’i afrohemi edhe më shumë. Në këtë sport gjithçka mund të ndodhë”, u shpreh Alonso që aktualisht renditet në vendin e tretë në klasifikimin e përgjithshëm, 51 pikë larg liderit Max Verstappen.
