Një nga temat më të “nxehta” të merkatos së kësaj verë është e ardhmja e Lionel Messit, që lidhet me një rikthim të mundshëm te Barcelona.
Gjatë një interviste të dhënë për mediet spanjolle, trajneri i Barçës, Xavi Hernandez u pyet pikërisht për këtë çështje, ndërsa theksoi se argjentinasi është bërë thuajse mesfushor.
“Idetë dhe modeli nuk do të ndryshonin. Leo mund të luante në role dhe pozicione të ndryshme. Tani ai pothuajse është bërë mesfushor dhe ndoshta ka humbur pak eksplozivitetin, por në Kupën e Botës pamë një Messi të jashtëzakonshëm. Për mua, ai ka ende vite të mira përpara tij, nuk kam dyshim se do të ndihmonte.”-tha Xavi.
