Manchester United dhe Chelsea kanë arritur një marrëveshje për shumën e transferimit të Mason Mount në Old Trafford.
Eksperti i transferimeve, Fabrizio Romano, bën të ditur se palët janë marrë vesh për shumën totale prej 60 milionë funtesh (70 milionë euro) – 55 milionë funte shuma e transferimit dhe pesë milionë të tjera në formë shtesash.
Lojtari dhe Djajtë kishin arritur marrëveshje për kushtet personale të anglezit javë më parë dhe tashmë është arritur marrëveshja edhe ndërmjet klubeve.
United ka qenë gjithnjë përpara Bayern Munich dhe klubeve tjera të interesuara për shërbimet e 24-vjeçarit.
Chelsea tashmë ka dhënë dritën e gjelbër që mesfushori t’u nënshtrohet ekzaminimeve mjekësore tek klubi nga Manchesteri.
