Mungon nxitja e prodhimit vendas për fluksin turistik

113 563 lexime

124,178FansaPëlqeje

Prodhimi vendas, edhe pse po pëson një goditje të madhe nga emigracioni, rritja e kostove, pagave dhe konkurrenca nga importi, sërish e ka të vështirë të rimëkëmbet nga turizmi, në mungesë të nxitjes nga institucionet përkatëse.

“Përdorimi i produkteve vendase lidhet me politikat stimuluese të qeverive. Shqipëria ka shumë pak akses në këtë drejtim në krahasim me rajonin.

Ne subvencionojmë shumë më pak bujqësinë dhe blegtorinë, edhe pse janë dy sektorët më të rëndësishëm të punësimit. Industria e verës është e pambështetur nga subvencione, duke e bërë atë të pambrojtur ndaj importeve. Një prodhues vere mund të blejë rrush më lirë jashtë vendit (70% e rrushit importohet).

Kjo e bën të vështirë për kantinat zgjerimin dhe blerjen e teknologjive të avancuara për to, ndërkohë që BE dhe rajoni subvencionojnë deri në 100%” – shprehet Zak Topuzi, kryetari i Shoqatës së Hotelerisë dhe Turizmit.

Prodhimi vendas duhet të jetë një nga përfituesit kryesorë të fluksit të turistëve, por kjo nuk po ndodh për disa industri. Konsumi i birrës vendase nuk është rritur, edhe pse numri i konsumatorëve është shtuar.

“Prodhimi i birrës është në vendnumëro, për shkak të kostove të larta, si dhe shtimit të birrës së importuar në vend që e ka mbajtur çmimin të ulët. Nga ana tjetër, kostot për birrën vendase janë rritur për shkak të akcizës dhe TVSH-së për prodhuesit” – shprehet z. Stefan Pinguli, kryetar i Shoqatës së Prodhuesve të Birrës.

Shumë sektorë të prodhimit në vend janë goditur nga rritja e kostove, pagave, konkurrenca e importeve dhe imigrimi. Ministrat përgjegjës të qeverisë zakonisht luajnë një rol vendimtar në zhvillimin dhe zbatimin e strategjive për të nxitur prodhimin vendas.

Ata mund të bashkëpunojnë me bordet e turizmit, autoritetet lokale dhe palët e interesuara private për të krijuar fushata marketingu, për të ofruar nxitës financiarë dhe për të përmirësuar infrastrukturën dhe shërbimet për të fuqizuar më tej prodhimin vendor për turistët. Por hapat konkretë janë të paktë, ose në disa inekzistente.

Lidhja e sektorit të bujqësisë me atë të turizmit, e cila për rrjedhojë sjell rritje të lartë ekonomike në vend, realizohet nëpërmjet veprimtarisë së agroturizimit. Certifikimi i veprimtarisë së agroturizmit dhe ndërtimi i strukturave/objekteve në funksion të tij janë të vetmit hapa konkretë për të ndihmuar në nxitjen e prodhimit vendas që Ministria e Turizmit dhe Mjedisit pohoi për “Monitor”.

Lexo edhe :  BSH shpjegon qëndrimin e saj: Ekonomia po ecën mirë, normën e interesit nuk e ndryshuam

Edhe pse institucionet përkatëse nuk po ndërmarrin politika stimuluese për këtë çështje, strukturat akomoduese deklarojnë se kontratat direkte me fermerët, kantinat e verës dhe prodhuesit vendas janë një faktor kryesor për funksionimin e bizneseve të tyre.

Sipas z. Çerenishti, prodhimi vendas kushton deri në 50% më pak se ato të importit për strukturat akomoduese.

“Ne fokusohemi më shumë në prodhimin vendas, pasi mund ta marrim deri në 50% më pak se importet. Mungesa e doganimit, TVSH-së dhe shumë faktorë të tjerë na i bëjnë këto produkte më të lira.

“Ne kemi bashkëpunim të drejtpërdrejtë me shumë fermerë, ku blejmë raki, fruta, perime, mish, verë, konjak e shumë produkte të tjera.

Këto bashkëpunime janë me kontrata të parapaguara, të cilat e ndihmojnë shumë fermerin, por edhe na sigurojnë një produkt sa më të freskët dhe në standardet e duhura. Nuk kemi pasur stimulim nga ministrat përkatës, janë fermerë që i kemi gjetur vetë dhe çdo rrezik apo kosto shtesë e marrim përsipër vetë”.

Ashtu siç po marrim edhe shtrenjtimin e birrës vendase nga rritja e akcizës- nënvizoi z. Çerenishti.

Në ligjin për Klasifikimin e Strukturave Akomoduese, në standardet për t’u klasifikuar me yje, ka një pikë të veçantë për stimulimin e subjektit nëse përdor produkte vendase ose krahinore, me 10 pikë, aq pikë sa i shtohen nëse ai. ka një pishinë të hapur (klasifikimi me yje lidhet me grumbullimin e një numri të detyrueshëm pikësh).

Sipas z. Topuzi, këto akte ende nuk kanë marrë një formë përfundimtare.

“Aktet nënligjore nuk kanë marrë ende një formë përfundimtare për të detyruar subjektin akomodues të aplikojë për yje. Kjo ka bërë që ata të mos stimulohen për produktet vendase”.

Pesha e sektorit të turizmit në ekonominë shqiptare po rritet vit pas viti, ku vetëm në vitin 2022, hotelet dhe restorantet kontribuuan me 11,8% të xhiros totale, nga 2,3% në 2021./Monitor

Të fundit

Lufta në Ukrainë, Zelensky:Mund të nevojiten 110,000 trupa të huaja për të siguruar paqen

Rreth 110,000 trupa të huaja mund të nevojiten për të siguruar paqen në Ukrainë pas çdo marrëveshjeje me Rusinë,...

Ministrja Koçiu në korpusin e ri të laboratorëve të ISHP-së: Nuk ka vend për panik

Ministrja e Shëndetësisë dhe Mbrojtjes Sociale, Albana Koçiu e shoqëruar nga Drejtoresha e ISHP-së, Eugena Tomini ka inspektuar sot punimet që vijojnë për ndërtimin e korpusit...

Parashikimi i motit për fundjavën, ja zonat ku do të ketë reshje shiu

Për fundjavën që presim vendi ynë do të vijojë të ndikohet nga kushte atmosferike të paqëndrueshme me mot me alternime vranësirash e kthjellimesh përgjatë...

Dialogu me Serbinë, analistët: Çfarë e pret qeverinë e re?!

Pasi të formohet qeveria e re e Kosovës, përfaqësuesja për politike të jashtme e Bashkimit Evropian, Kaja Kallas tha se bashkë me ndërmjetësin e...

Shqipëria emeton Eurobondin 650 milionë € me interes 5% dhe periudhë maturimi 10 vite

Republika e Shqipërisë doli për herë të 7-të në tregjet e kapitalit, duke emetuar me sukses një Eurobond me vlerë 650 milionë euro. Ky Eurobond...

Lajme të tjera

Web TV