India bëhet gati për misionin historik në Hënë

113 563 lexime

124,178FansaPëlqeje

India do ta nisë misionin e saj të tretë drejt Hënës, në tentim për t’u bërë vendi i parë që arrin pranë polit jugor të Hënës, i cili nuk është eksploruar shumë.

Anija Chandrayaan-3 do të ngrihet në orën 14:35, sipas kohës lokale, të 13 korrikut – që në Kosovë i bie në orën 10:05 – nga qendra hapësinore Sriharikota. Ajo do të arrijë në Hënë më 23 dhe 24 gusht, thanë zyrtarët e agjencisë hapësinore.

Nëse do të ketë sukses, India do të jetë vetëm vendi i katërt që do të arrijë një zbarkim të kontrolluar në Hënë, pas SHBA-së, ish-Bashkimit Sovjetik dhe Kinës.

Si iniciativë e tretë në programin e eksplorimit hënor të Indisë, Chandrayaan-3 pritet të vazhdojnë sukseset e misioneve të mëparshme në Hënë.

Ky mision vjen 13 vjet pas misionit të parë të Indisë në Hënë në vitin 2008, që kreu “kërkimin e parë dhe më të detajuar të ujit në sipërfaqen hënore dhe zbuloi se Hëna ka një atmosferë gjatë ditës”, tha Mylswamy Annadurai, drejtori i projektit të Chandrayaan-1.

Chandrayaan-2 ishte nisur në korrik të vitit 2019, por ishte vetëm pjesërisht i suksesshëm. Pjesë të tij vazhdojnë të qarkullojnë dhe studiojnë Hënën edhe sot. Megjithatë, anija nuk kishte arritur ta kontrollonte uljen në Hënë dhe ishte rrëzuar gjatë zbarkimit për shkak të “një defekti të minutës së fundit në sistemin e frenimit”, shpjegoi Annadurai.

Shefi i Organizatës Indiane të Kërkimit Hapësinor (Isro), Sreedhara Panicker Somanath, ka thënë se ata kanë studiuar me kujdes të dhënat nga përplasja e fundit dhe kanë kryer ushtrime simulimi për t’i rregulluar defektet.

Chandrayaan-3, që peshon 3.900 kilogramë dhe kushton 6.1 miliardë rupi (të barasvlershme me 75 milionë dollarë) ka “të njëjtat synime” si misioni paraprak: të sigurojë një ulje të kontrolluar në sipërfaqen e Hënës, shtoi ai./REL

Të fundit

Mori shumë vota por jo mandate/ Lapaj ankohet për sistemin elektoral: Duhet ndryshuar

Me procesin e numërimit të votave që po shkon drejt fundit, ku tanimë vëmendja është përqendruar tek zarfet e...

37 vite pasi ngriti trofeun për Zvicrën/ Eurovizioni rikthen në skenë Celine Dion?

Kanë qarkulluar informacione se Celine Dion do të rikthehet në skenën e Eurovision sonte, 37 vite pasi ngriti trofeun për Zvicrën me këngën “Ne...

Monika Kryemadhi si aktore, ndan pamjet nga xhirimet e filmit që do të sjellë së shpejti

Pas përfundimit të zgjedhjeve të 11 majit, ku bëri fushatë për ish-bashkëshortin e saj Ilir Meta, Monika Kryemadhi i është rikthyer projektit të saj...

U surprizua nga socialistët me tortë për 51-vjetorin/ Gjekmarkaj: Mos i keni hedhur helm

Drejtuesi politik i Partisë Demokratike për Qarkun e Lezhës, Agron Gjekmarkaj, ka festuar sot 51-vjetorin e lindjes në mënyrë të pazakontë, duke qëndruar në...

“Thatë nuk ka ndryshime”/ Tabaku përplaset me Celibashin, i kërkon llogari për votat

Jorida Tabaku i ka kërkuar llogari Kyrekomisionerit Ilirjan Celibashi për votat e Diasporës që janë duke u numëruar për qarkun e Lezhës. Sipas Tabakut në...

Lajme të tjera

Web TV