Dje u bënë 26 vjet që kur Gianni Versace u qëllua për vdekje jashtë shtëpisë së tij në Miami.
Motra e tij Donatella, me një postim emocionues në rrjetet sociale, ka dashur të nderojë kujtimin e mbretit të modës, i cili siç tha ajo nuk i largohet kurrë nga mendja.
Në veçanti, Donatella Versace publikoi në llogarinë e saj personale në Instagram tre foto së bashku dhe shkroi një mesazh prekës:
“Gianni sot dhe çdo ditë mendoj për kohën që kam pasur fatin të kaloj me ty. Kjo duket si dje”.
Ishte mëngjesi i 15 korrikut 1997, kur mbreti i modës po kthehej në shtëpi pasi kishte shkuar për të marrë kafen. Ai po ecte i shkujdesur pasi nuk e kishte vënë re të riun që e ndiqte. Kur shkoi për të hapur derën, autori i sulmit vrasës ka qëlluar Gianni Versace në kokë me dy plumba. Vdekja e Gianni tronditi botën dhe e zhyti botën e modës në zi.
Vrasësi i stilistit legjendar të modës, Andrew Cunanan, vrau veten tetë ditë më vonë me të njëjtën armë që përdori për të vrarë Versace. Trupi i tij u gjet në një dhomë në katin e dytë në një varkë. Ai nuk kishte lënë asnjë shënim vetëvrasjeje dhe motivi i vrasjes së Versace nuk u bë kurrë i ditur.
