Fitorja e Carlos Alcaraz në Wimbledon ka shfaqur çmenduri në rrjete. Miliona fansa të tij kanë hyrë në rrjetet sociale për të festuar këtë triumf të ri dhe Grand Slamin e dytë në karrierën e tij pas fitimit të US Open në 2022.
Një triumf për të cilin kanë folur edhe personalitete të ndryshme, si Sebastián Yatra, i cili ndërpreu një koncert për ta uruar, Fernando Alonso dhe Rafa Nadal, si dhe një seri sportistësh mes të cilëve është edhe një nga talentet e momentit në fushën e arteve marciale mikse(MMA) Ilia Topuria.
Luftëtari i UFC-së ka dashur të shfaqë besimin që ka treguar gjithmonë tek tenisti dhe për këtë ka vënë bast 50 mijë dollarë për fitoren e tij në finale ndaj Djokovic. Një bast që e fitoi dhe e festoi në rrjetet e tij sociale:
“Zoti Carlitos, shumë urime. Nuk dyshova kurrë. Shumë njerëz më ftuan të tërhiqja bastin dje, por siç e kisha bërë me shumë besim nuk hezitova në asnjë moment. Urime e meritoni”, – ka shkruar ai.
Topuria i besoi dhe kjo e bëri atë pothuajse të pesëfishojë bastin e tij, duke arritur të marrë gjithsej 237.500 dollarë.
Një fitore e madhe në bastin e tij që e ka shtyrë edhe atë të publikojë një histori në profilin e tij në Instagram ku theksonte se “tani do ta tërheq”.
