Spektakël në miqësoren Arsenal-Barcelona. Plot 8 gola u shënuan në takimin e luajtur në “Los Angeles”. Në fund pati festë londineze, pasi djemtë e Mikel Artetës triumfuan 5-3.
Robert Lewandowski kaloi kampionët e Spanjës në avantazh, por Bukayo Saka barazoi për anglezët. Ky i fundit humbi një penallti. Barça sërish në avantazh me anë të Raphinhas.
Por, Kai Havertz gjeti golin e parë me Arsenalin dhe skuadrat shkuan në pushim në barazim 2-2. Pjesa e dytë ishte edhe më e bukur.
Dygolëshi i Leandro Trossard dhe eurogoli i Fabio Vieira i dhuruan fitoren skuadrës së Mikel Artetës. Teksa Ferran Torres shënoi në krahun tjetër.
Arsenali rikthehet në fushë në datën 2 gusht përballë Monacos, ndërsa Barcelona zhvillon El Clasicon ndaj Realit në datën 29 korrik.
