Bayern Munich ka prioritet transferimin e sulmuesit anglez Harry Kane gjatë afatit kalimtar veror.
Gjiganti gjerman ka arritur marrëveshje prej kohësh me futbollistin për një transferim në Munich, por një gjë të tillë ende nuk ka ndodhur me Tottenhamin.
Spurs deri më tani kanë refuzuar tre oferta të njëpasnjëshme të Bayernit, duke këmbëngulur të fitojnë më shumë.
Bavarezët tashmë kanë bërë ofertën e fundit dhe i është komunikuar londinezëve se nëse nuk e pranojnë atëherë do të ndryshojnë objektiv.
Sipas asaj që ka raportuar “Sky Sport”, kampioni në fuqi i Gjermanisë ka ofruar 100 milionë euro plus bonuse për transferimin e Kane.
Gjithçka tani mbetet në dorën e Spurs nëse do ta lejojnë largimin e kapitenit të tyre, apo do të rrezikojnë që vitin tjetër ta humbasin me parametra zero.
Kane ka edhe një vit kontratë me skuadrën londineze dhe ka treguar haptazi se nuk do të rinovojë.
