Bëhet zyrtar transferimi i Rasmus Hojlund te Manchester United.
Sulmuesi danez është larguar nga skuadra italiane Atalanta pas vetëm një sezoni dhe ka bërë hapin e madh në karrierë duke iu bashkuar gjigantit anglez.
Manchester United ka prezantua danezin për të cilin ka paguar plot 70 milionë euro tek Atalanta.
20-vjeçari ka nënshkruar kontratë pesë vjeçare me Djajtë e Kuq.
“Nuk është sekret që kam qenë tifoz i këtij klubi të madh që kur isha i vogël dhe ëndërroja të luaja në Old Trafford si lojtar i Manchester United”.
“Jam tepër i emocionuar nga kjo mundësi për ta kthyer atë ëndërr në realitet dhe jam i vendosur të shpërblej besimin që klubi ka treguar tek unë. Është ende herët në karrierën time, por e di që jam gati ta bëj këtë hap dhe të luaj me këtë grup lojtarësh të klasit botëror”.
“Pasi fola me menaxherin, e dija se ky mjedis do të ishte i përsosur për zhvillimin tim. Po shijoj mundësinë për të punuar me një nga trajnerët më të mirë në botë. Nën drejtimin dhe mbështetjen e tij, e di se jam në gjendje të arrij gjëra të mëdha së bashku me shokët e mi të rinj në këtë klub të veçantë”, ka thënë Hojlund.
A Danish boy with a dream of playing for Manchester United.
It's real, Rasmus ❤️#MUFC pic.twitter.com/twFrEyhBYo
— Manchester United (@ManUtd) August 5, 2023
