Në Serbi ka lindur një djalë që peshon më shumë se 6 kilogramë. Foshnja ka lindur në datën 5 gusht, në maternitetin e spitalit në Gornji Milanovac, raportojnë mediat serbe.
Suzana Kuçina, 27-vjeçe nga Gornji Milanovac solli në jetë një djalë, i gjatë 68 centimetra. Specialistët e gjinekologjisë dhe obstetrikës, dr. Dragan Perishiq dhe dr. Vladislav Vasiq, të cilët sollën në jetë foshnjën mbrëmë, thonë se është një nga foshnjat më të mëdha në karrierën e tyre mjekësore.
“Gruaja ka lindur me prerje cezariane. Ne e dinim që fëmija ishte i madh, por nuk e prisnim një fëmijë kaq të madh. Më e rëndësishmja është që gjithçka shkoi mirë, dhe që nëna dhe foshnja janë mirë.
Sipas kolegëve të mi më të vjetër, në maternitetin tonë ky është foshnja më e madhe e lindur deri më tani. Më herët doktori Milorad Nikoliq asistoi për një foshnjë me peshë rreth gjashtë kilogramë, por ky është ende një rekordmen i vogël për ne, sepse peshon 6.420”, ka thënë doktor Vasiq për GMinfo.
“Nëna ndihet mirë, edhe foshnja. Meqë ra fjala, ky është fëmija i tretë. Nëse gjithçka shkon mirë, ajo do të dalë nga spitali për pesë ditë”, thonë nga materniteti dhe konfirmojnë se foshnja të tilla të mëdha nuk lindin aq shpesh.
