Ballkani fiton edhe takimin e dytë ndaj Lincoln Red Imps dhe rikthehet sërish në raundin “play-off” të Conference League. Kampionët e Kosovës triumfuan 1-3 në transfertë, falë golave të Meriton Korenicës(eurogol), kapitenit Edvin Kuc dhe Qëndrim Zybës në pjesën e dytë.
Ndërkohë që spanjolli Juampe realizoi golin e nderit për vendasit. Skuadra e Ilir Dajës u kualifikua me rezultatin e përgjithshëm 5-1. Objektivi i radhës është kualifikimi në fazën e grupeve. Njësoj si verën e kaluar.
Ballkani do të përballet në dy “finalet” e mëdha kundër humbësit të çiftit Sheriff Tiraspol (Moldavi)-Bate Borisov (Bjellorusi). Ndeshja e parë u fitua 5-1 nga skuadra e moldave.
