Në pamje të parë duket se Hidra nuk ka aspak ndryshim nga vende e tjera që e rrethojnë. Sikurse edhe ishujt e tjerë, në detin Egje, rrugët janë të lyera me ngjyrë të bardhë, mban era lule jasminë dhe ka pamje mahnitëse të ujërave blu që shkëlqejnë përreth tij.
Ajo çfarë e bën të veçantë këtë ishull është mënyra e zgjedhur për të transportuar. Vendasit i kanë rezistuar zhurmës së borive të makinave dhe në vend të tyre dëgjojnë tingullin ritmik të potkonjve të kuajve.
Në këtë vend makinat janë mbajtur me qëllim larg përdorimit. Ndalimi i automjeteve me motorr (me përjashtim të kamionëve dhe ambulancave të zjarrit dhe mbeturinave) është vendosur në legjislacionin lokal. Popullsia e ishullit grek prej rreth 2,500 banorësh lëvizin duke përdorur mushka, gomarë dhe kuaj të vegjël.
Duke zbritur nga trageti dhe duke shkuar në Portin Hidra, në zemër të ishullit, vizitorët takohen nga kuaj të vegjël që ecin mes rrugëve me kalldrëm dhe u japin atyre një shije të ritmit të pagdhendur të ishullit. Ndërsa endesh nëpër rrugicat e çuditshme të Hidrës, është e zakonshme të shohësh vendasit që shkojnë në punët e tyre të përditshme, të shoqëruara nga shokët e tyre me katër këmbë.
