Të paktën tre persona kanë vdekur dhe më shumë se 1,300 të tjerë kanë kërkuar kujdes mjekësor pasi stuhitë e pluhurit kanë përfshirë provincën juglindore Sistan-Baluchistan të Iranit, njoftuan mediat shtetërore të premten.
Stuhi të tilla janë bërë më të shpeshta vitet e fundit në jug të Iranit pasi ligatinat po thahen me një shkallë gjithnjë e më alarmante, duke nxitur mosmarrëveshjet rajonale për ujin, raporton gazeta newagebd.
Agjencia zyrtare e lajmeve IRNA citoi shefin e menaxhimit të krizave të krahinës, Majid Mohebi, të ketë thënë se tre persona “vdiqën në aksidente të shkaktuara nga dukshmëria e reduktuar” këtë javë.
Gjatë tre ditëve të fundit ‘1,346 njerëz kanë kërkuar ndihmë mjekësore nga spitalet dhe qendrat mjekësore’, shtoi Mohebi.
Ai tha se problemet më të shpeshta ishin sëmundjet e frymëmarrjes, zemrës dhe syve.
“Deri më tani, 1,346 njerëz nga qytetet Zabul, Zhaq, Hamoun, Hirmad dhe Nimruz kanë kërkuar ndihmë mjekësore urgjente në spitale dhe qendra mjekësore”, tha kreu i agjencisë së menaxhimit të krizave, Majid Moheb.
Qendra rajonale meteorologjike parashikoi se erërat e forta dhe stuhitë e pluhurit do të vazhdojnë për disa ditë./I.S
