Nga Eduard Zoloshnja
Shqiptarët e rritur vetëdeklarohen masivisht si besimtarë të njërës apo tjetrës fe, por shumë pak prej tyre janë praktikantë të rregullt të riteve të fesë që vetëdeklarojnë se i përkasin…
Nga një anketim rreth sigurisë kombëtare në Ballkanin Perëndimor (të financuar nga fondacioni kongresional amerikan NED), që u zhvillua vjet nga anketues të shpërndarë në të gjithë territorin e Shqipërisë (me kuota përpjestimore demografike e gjeografike), më rezultoi se besimi fetar në popullsinë e rritur ka shpërndarjen e paraqitur në Tabelën 1.
Marzhi i gabimit statistikor rreth përqindjes së besimtarëve sunitë ishte plus/minus 2.9% (për besimet e tjera marzhi ishte shumë më i vogël, sepse sa më e vogël është përqindja e një treguesi në anketim, aq më i vogël është intervali i gabimit rreth tij).
Siç shihet nga Tabela 1, i bie që rreth 96% e shqiptarëve të rritur pretendonin se besonin në një nga fetë në Shqipëri. Po sa të devotshëm ishin ata ndaj besimit të tyre fetar?
Në mënyrë të tërthortë, përgjigjen e kësaj pyetje e marrim nga përgjigjet e pyetjes që bëmë në anketim: “Sa shpesh i frekuentoni shërbimet/ceremonitë fetare?”.
Përgjgjiet e të anketuarve (Tabela 2) tregojnë që më shumë se gjysma e “besimtarëve” të vetëdeklaruar nuk ndiqnin ose pothuaj nuk ndqnin fare shërbime/ceremoni fetare.
Vetëm 250 mijë i bie afërsisht që t’i ndiqnin rregullisht ato çdo javë, nga rreth 2.1 milion banorë të rritur që kishte afërsisht vjet Shqipëria…
