Këtë të shtunë në orën 18:00 Juventus do të përballet me Cagliarin, në kuadër të javës së 12-të të Serie A, sfida e fundit para pushimit të ndeshjeve të kombëtareve.
Në mungesë të Danilos, Alex Sandro dhe Rabiot, trajneri i “bardhezinjve”, Massimiliano Allegri është pyetur se cilit do ia besojë shiritin e kapitenit në këtë takim dhe ai tha se më i prerë për të qenë lider është ish-mesfushori i Milan, Manuel Locatelli.
“Sa u përket lojtarëve të rinj, ne do ta shohim me kalimin e kohës… Trajneri nuk e vendos liderin, por lideri e tregon vetë veten. Kapiten nesër do të jetë Locatelli, ne do t’i japim një bonus të mirë, pra besimin për të qenë kapiten”-theksoi Allegri.
