PD, i drejtohet Gjykatës për ndryshimet e rregullores së Kuvendit

113 563 lexime

124,178FansaPëlqeje

 

“Bie ndesh me Kushtetutën, pezullon deputetin nga detyra”

45 deputetë të grupit parlamentar të Partisë Demokratike dhe partive aleate opozitare i janë drejtuar Gjykatës Kushtetuese duke kërkuar shfuqizimin e ndryshimeve të njëanshme sipas tyre të bëra nga maxhoranca në Rregulloren e Kuvendit, si dhe pezullimin e këtyre amendimeve deri në dhënien e një vendimi përfundimtar nga togat e zeza.

Sipas deputetëve firmëtarë dispozitat e vendosura për përjashtimin me 30 – 60 ditë të deputetit, duke i ndaluar të kryejë çdolloj veprimtarie si anëtar i Parlamentit shkelin në mënyrë flagrante një sërë të drejtash që atij i garantohen nga Kushtetuta dhe ligji.

Kjo dispozitë sqarohet në padi nënkupton pezullimin e deputetit nga detyra, ç’ka është masë ndaluese që jepet nga gjykata në kuadër të një procesi penal, por edhe në atë rast, pezullimi i deputetit është i ndaluar nga neni 242 i Kodit të Procedurës Penale.

Në kërkesën e saj opozita thotë se ndryshimet e rregullores cenojnë parimin e shtetit të së drejtës dhe hierarkisë së normave, parashikuar nga neni 81 i Kushtetutës, pasi ato vijnë në kundërshtim me Kodin e Procedurave Administrative dhe Kodin e Procedurës Penale.

45 deputetët e opozitës argumentojnë se amendimi i rregullores së Kuvendit nuk ndalon vetëm ushtrimin e funksioneve të caktuara të deputetit, por lë pa përfaqësim qytetarët që kanë zgjedhur deputetin subjekt i masave disiplinore, në shkelje flagrante me nenin 71 të Kushtetutës.

Gjithashtu ata thonë se ndryshimet shkelin kriteret e përcaktuara nga neni 17 i Kushtetutës sa i përket kufizimit të të drejtave, e më konkretisht kriterin e ligjshmërisë, interesit publik dhe proporcionalitetit.

Deputetët firmëtarë shtojnë se këto ndryshime nuk janë frymëzuar nga asnjë interes publik apo qytetar, por vetëm nga interesi politik për të shuar zërin e deputetëve opozitarë dhe se ato janë bërë pa konsensus dhe në shkelje të afatit, pasi u futën me procedurë të përshpejtuar për miratim në kuvend në seancën e të enjtes./O.S

Lexo edhe :  PD, grevë urie brenda Parlamentit? Klevis Balliu tregon skenaret

 

 

 

Të fundit

Axhenda e shurdhit

Skënder Minxhozi “Ajo që thoni ju s’ka asnjë lidhje me përkrahjen për qeverinë. Ka qenë një datë e vendosur shumë...

Irani kërcënon Britaninë dhe Francën: Do të sulmojmë bazat tuaja nëse na pengoni!

rani nuk ka paralajmëruar vetëm Izraelin dhe SHBA-të, por edhe vendet që i mbështesin ato. Paralajmërim u lëshua sot edhe për Britaninë dhe Francën. Teherani...

Shqipëria, sërish në qendër të diplomacisë ndërkombëtare

Të hënën, më 16 qershor, organizohet në Tiranë, Ministeriali i Procesit të Bashkëpunimit në Evropën Juglindore. Kryeministri i vendit, Edi Rama ka reaguar për këtë...

Lufta Izrael-Iran ‘lë pa martuar’ djalin e Netanyahu-t

Dasma e Avner Netanyahu, e cila ishte planifikuar për të hënën, është anuluar për shkak të konfliktit në vazhdim me Iranin. Dasma e djalit të kryeministrit...

Sulmet Izrael-Iran/ Fusha më e madhe e gazit në botë përfshihet nga flakët (VIDEO)

Mediat iraniane raportuan për një shpërthim të fuqishëm dhe një zjarr pas bombardimit me dronë nga Izraeli ndaj impiantit të nxjerrjes së gazit South...

Lajme të tjera

Web TV