“Krahasuar me Tetorin rezultojnë 17 miliardë Lekë më shumë”
Kursimet e individëve, familjeve dhe bizneseve në monedhën Lekë rezultojnë se kanë shënuar një rritje të ndjeshme gjatë muajit Nëntor sipas raportit më të fundit të Bankës së Shqipërisë.
Më konkretisht referuar këtyre të dhënave në fund të muajit Nëntor, stoku i depozitave në Lekë arriti në 564 miliardë Lekë, me një rritje prej 3.1%, ose 17 miliardë Lekë më shumë sesa muaji Tetor.
Ky zgjerim mujor i depozitave është më i larti që nga Dhjetori i vitit 2021, ku ndikim pozitiv të kursimeve në Lekë kanë dhënë si kompanitë publike, private, por dhe individët.
Sipas Bankës së Shqipërisë depozitat në lekë me bazë vjetore pra nga Nëntori i 2022 në Nëntorin e 2023 janë rritur me 4.2%.
Ndryshe nga kursimet në lekë që rezultuan me vlera pozitive, ecuria e depozitave në Euro ka rezultuar me e dobet, që përbëjnë dhe pjesën më të madhe të depozitave të huaja që ruhen paratë.
Sipas Bankës së Shqipërisë, kursimet në Euro ishin 7.28 miliardë Lekë në Nëntor, me një rritje minimale prej 22 milionë Eurosh, që është më e ulëta që nga Nëntori i vitit të kaluar.
Ndërsa me bazë vjetore, depozitat në Euro janë rritur me 17%, ose rreth 1 miliard Euro që janë shtuar në banka si formë kursimesh në monedhën e përbashkët europiane.
Ndërsa të raportuara në Lekë, kursimet në valutë të huaj shënuan një rënie të ndjeshme në Nëntor të këtij viti, për shkak të ndikimit të kursit të këmbimit të dobësimit të Euros dhe Dollarit./O.S
