Zyrtare/ kryenegociatorët e Kosovës dhe Serbisë javën e ardhshme në Bruksel

113 563 lexime

124,178FansaPëlqeje

Zëdhënësi i Bashkimit Evropian (BE), Peter Stano, ka konfirmuar të premten se blloku e ka caktuar një takim për të martën e ardhshme, 19 mars, në kuadër të dialogut mes Kosovës dhe Serbisë në nivel të kryenegociatorëve.

Stano tha se në takim, i cili zhvillohet në Bruksel, do të bisedohet për çështjen e dinarit serb, përdorimin e të cilit autoritetet kosovare e ndaluan përmes një rregulloreje të re për valutën që hyri në fuqi në shkurt.

“Do ta kemi takimin e radhës në kuadër të dialogut të martën. Janë ftuar për këtë takim kryenegociatorët për të vazhduar diskutimet aty ku kishim mbetur pas takimit të fundit“, tha Stano.

Kryenegociator i Kosovës është Besnik Bislimi, ndërsa i Serbisë është Petar Petkoviç. Më herët të premten, i dërguari i posaçëm i Shteteve të Bashkuara për Ballkanin, Gabriel Escobar, tha në një intervistë për Radion Evropa e Lirë (REL) se nuk ka arritur ta bindë kryeministrin e Kosovës, Albin Kurti, për adresimin e shqetësimeve të Perëndimit në lidhje me ndalimin e përdorimit të dinarit serb në Kosovë.

Ai theksoi se shpreson një gjetjen e një zgjidhjeje urgjente për këtë çështje të martën në Bruksel.

“Unë ende jam duke shpresuar që, derisa kryenegociatorët do të takohen në Bruksel të martën, ata do ta gjejnë një zgjidhje të menjëhershme për t’i lejuar transferet e parave të gatshme në euro për këta njerëz”, tha Escobar për REL-in.

Banka Qendrore e Kosovës e filloi zbatimin e një rregulloreje të re nga 1 shkurti, e cila përcakton që vetëm euroja të përdoret për pagesa me para të gatshme, duke i dhënë fund përdorimit të dinarit serb./O.S

Të fundit

BSH: Çmimet e apartamenteve u rritën me 44.5% vetëm në 6 mujorin e dytë të 2024-ës

Banka e Shqipërisë vlerëson se çmimet e banesave iu kthyen rritjes së shpejtë në gjashtëmujorin e dytë të vitit...

Ceremonia mortore e Papa Françeskut/ Të rinjtë mbushin sheshin e Vatikanit

Në ceremoninë mortore në nderim të Papa Françeskut të bie në sy numri i lartë i të rinjve që kanë mbushur mëngjesin e sotëm,...

E rëndë në Gjermani! Polici vret 21-vjeçarin me ngjyrë, nisin hetimet

Aktivistët për të drejtat civile në Gjermani kanë kërkuar një hetim të pavarur mbi dyshimet për racizëm institucional pas vrasjes së një 21-vjeçari me...

“Unë dhe Irma jetojmë në shtëpinë ku jemi rritur”, Eranda Libohova rrëfen detaje nga jeta

Këngëtarja Eranda Libohova ishte e ftuar në emisionin “Në Kurthin e Piter Pan”, u pyet nga “gazetarja” e vogël Debora nëse bashkëjeton në të...

Në koma prej 20 vitesh, “Princi i fjetur” i Arabisë Saudite mbush 36 vjeç

Princi Al-Waleed bin Khaled bin Talal, i njohur në botën arabe si ” Princi i Fjetur” pasi ndodhet në koma për më shumë se dy dekada, mbushi 36...

Lajme të tjera

Web TV