Optimizmi amerikan duket se është avulluar edhe një herë brenda pak orësh.
Mbrëmë, zyrtarë të lartë amerikanë na mblodhën në një telefonatë natën vonë për të na thënë se një armëpushim përgjatë kufirit Liban-Izrael do të ishte në fuqi “brenda disa orësh”.
Në bisedë, në orën 21:30 me orën e Uashington DC, ishin dy këshilltarët kryesorë të Presidentit Biden, të cilët kanë qenë në qendër të diplomacisë për të gjetur një përparim në Gaza për 11 muaj dhe tani janë të fokusuar edhe në kufirin verior me Libanin.
Kushtet e thirrjes, siç ndodh shpesh, ishin që ne të mund të citojmë atë që ata thanë nëse nuk do t’i përmendnim ata. Ata quheshin vetëm si “zyrtarë të lartë të administratës”.
Toni i thirrjes ishte goditës. Ata e përcaktuan propozimin e armëpushimit, të shpallur në një deklaratë të përbashkët nga vendet e G7 me tre partnerë kryesorë arabë, si pothuajse një marrëveshje të përfunduar.
“Palët janë njohur me tekstet dhe ne do t’i lëmë të flasin për veprimet e tyre. Ne presim marrëveshjen në orët në vijim“, thuhej në mesazhin e natës vonë.
Na u tha se qeveria libaneze kishte thënë se do të merrte garanci nga Hezbollahu dhe udhëheqja e Izraelit dha mbështetje për planin e armëpushimit.
Por brenda pak orësh, kryeministri izraelit Netanyahu ishte distancuar nga propozimi, duke thënë se IDF do të vazhdonte të godiste Hezbollahun me forcë të plotë.
“Politika jonë është e qartë, ne do të vazhdojmë të godasim Hezbollahun me të gjitha forcat tona… nuk do të ndalemi derisa të kemi arritur të gjitha objektivat tona… kjo është politika, mos bëni gabim“, tha ai.
Gjithçka ndjek një model tashmë të njohur. Për shumë muaj, amerikanët kanë sugjeruar në shumë raste një armëpushim në Gaza që thuhej se ishte kaq afër – vetëm për t’u minuar nga ngjarjet dhe palët e pandershme në terren.
Armëpushimi më i lehtë në kufirin verior
Zyrtarët amerikanë besonin se një pauzë në luftime duhej të ishte më e lehtë në kufirin verior, kjo pasi nuk ka asnjë peng të përfshirë në konfliktin Izrael-Hezbollah.
SHBA-ja shpresonte që Izraeli ta pranonte se ka pasur një sukses kaq spektakolar në degradimin e Hezbollahut dhe se do ishte e zgjuar ushtarakisht dhe diplomatikisht të ndalet tani.
Por ndoshta Netanyahu e sheh atë ndryshe. Ai e ka degraduar aq shumë Hezbollahun tashmë pa përgjigjen e plotë të Hezbollahut ose Iranit – kështu që, pse të mos e përfundojë punën?
Vlerësimi i tij i pëlqimit është rritur gjithashtu që kur ata pajier filluan të shpërthenin dhe komandantët e Hezbollahut u larguan. Ndërkohë që optimizmi amerikan duket se është avulluar edhe një herë brenda pak orësh./Nga “SkyNews” / kb
