Drejtuesi Politik i Partisë Socialiste për Diasporën, Taulant Balla ka zhvilluar një takim me shqiptarët në Parma të Italisë. Balla bëri thirrje për pjesëmarrje të Diasporës në zgjedhjet e 11 majit.
Votimin e emigrantëve në zgjedhjet parlamentare, ministri Balla e quan një borxh historik.
“Besoj se në 17 ditët e mbetura deri më 4 mars ka ende kohë të mjaftueshme për të dyfishuar numrin e atyre që duhet të bëhen pjesë e votës së 11 majit. Vota e 11 majit është një votë e rëndësishme. Bëhet fjalë për zgjedhjet e para që nga 31 marsi 1991 ku më në fund ndreqet një gabim ose një borxh historik”, tha Balla.
Më tej ministri Balla shprehu mirënjohjen dhe e cilësoi Italinë si mbështetësen kryesore të rrugës në BE.
“Ne jemi mirënjohës Italisë dhe qeverive italiane pa asnjë dyshim për mbështetjen dhe interesimin ndaj nesh. Shpresoj që në ditët në vijim parlamenti italian të votojë për njohjen e pensioneve për plot 500 mijë shqiptarë që përfitojnë.
Pse nuk e negocionin qeveritë më parë? Italia mbetet mbështetëse kryesore e rrugës në BE dhe synojmë të mbyllim rrugëtimin për në BE që 2030 të na gjejë anëtarë të BE-së.
Ta ndjeni veten të barabartë mes të barabartëve në familjen e madhe të Europës. Ky është një ribashkim i Shqipërisë me Europën. Siç thoshte Naim Frashëri për ne shqiptarët, dielli lind andej nga perëndon dhe e para që vjen për ne është Italia“, u shpreh Balla./ S,M
