Kreu i Koalicionit Euroatlantikë, Lulzim Basha ka uruar të gjithë shqiptarët për festën e Ditës së Verës. Nga hyrja e kalasë së qytetit të Elbasanit, Basha u shpreh se kjo është një ditë mirësie, mbarësie dhe pozitiviteti dhe uroi që e tillë të jetë edhe vera duke filluar nga maji, kur pritet të mbahen zgjedhjet parlamentare 2025.
“Nga Elbasani që sot është kryeqyteti i gjithë shqiptarëve, ju uroj gëzuar ditën e Verës! çdo familje shqiptare, të gjithë qytetarëve shqiptarë u uroj shëndet e mbarësi për ju dhe për familjet tuaja, suksese dhe plotësim të dëshirave, planeve e aspiratave tuaja.
Për mua është një kënaqësi e jashtëzakonshme që ndodhem sot këtu në mes të qytetarëve të Elbasanit, qytetit tim të dytë ku kam qëndruar për një kohë të gjatë si përfaqësues, të ndodhem në këtë qytet që i ka dhënë kaq shumë kombit tonë.
Është një ditë mirësie dhe mbarësie, është një ditë pozitivieti, ashtu si uroj nga zemra të jetë kjo verë për të gjithë shqiptarët duke nisur nga një verë e hershme nga maji. Një maj i ndryshimeve pozitive dhe një maj i kthimit të besimit se një jetë më e mirë është e mundshme në Shqipëri, se Elbasani, Shqipëria dhe shqiptarët meritojnë më shumë”,-tha Basha./ SM
