Napoli i Antonio Contes, triumfoi me rezultatin 2 me 1 ndaj Milanit, në supersfidën e vlefshme për javën e 30-të të Serisë A.
Golat e Politanos dhe Lukakut, i dhuruan 3 pikë të arta napolitanëve, në luftën për titullin kampion. Ndërkohë që golin e vetëm për kuqezinjtë e shënoi Jovic në minutën e 84-t.
Vlen të theksohet fakti se në minutën e 69-të, Gimenez gaboi nga pika e bardhë e penalltisë, teksa gjuajtja e tij u ndal nga portieri Meret.
Falë këtij triumfi Napoli u ngjit në kuotën e 64 pikëve, 3 më pak se kryesuesit e Interit. Ndërkohë që Milani mban vendin e 9-të në me 47 pikë. Në duelin e radhës Napoli do të luajë në transfertë ndaj Bolonjës, ndërkohë që Milani pret në shtëpi Fiorentinën./ D.C
