Koalicioni Aleanca për Shqipërinë Madhështore drejtuar nga PD çeli këtë të premte zyrtarisht fushatën elektorale nga sheshi “Nënë Tereza”.
Me ardhjen në çelje të fushatës edhe të konsulentit Chris la Civita, Berisha dhe stafi i tij janë kujdesur për detajet e mitingut hapës, i cili tashmë është duke u mbajtur.
Në një intervistë në “Tirana Live” në ABC News, deputeti Dashnor Sula, u shpreh se Partia Demokratike duhet të ketë një qasje tjetër me qytetarët, ndërsa shtoi se lufta e ish-kryeministrit ndaj SPAK është absurde.
“Gjykoj që përpos edhe situatës në tërësi politike për demokratët dhe partinë politike, heqja e non-gratës nuk kjo e gjithë retorika. Kjo besoj ka të bëjë më shumë sa i përket një individi që është LaCivita dhe identifikohet sikur kjo situatë është si e SHBA. Por PD duhet të ketë një qasje tjetër. Mua më intereson qasja e PD me qytetarët…Unë kam qenë një ndër deputetët e opozitës që kurrë nuk e kam akuzuar apo gjuajtur me grusht ndaj SPAK dhe GJKKO dhe ky është thelbi që duhet të kapim. Nëse PD apo opozita do të kishte një aleat strategjik do të ishte SPAK, sepse gjithçka ka deklaruar apo denoncimet që ka bërë PD do kishin mbetur një retorikë. Sot ka njerëz përpara drejtësisë që po i gjykon drejtësia. Pra nuk bën sens që ta quash organizatë kriminale SPAK apo ta godasësh në një kohë kur të gjithë qytetarët shqiptarë besojnë tek SPAK”, tha ai./k.k
