Sipas raportit të vitit 2025 nga Forumi Ekonomik Botëror, rreth 92 milionë vende pune – ose 8% e totalit global – do të zhduken plotësisht deri në vitin 2030.
Edhe McKinsey Global Institute jep një parashikim aspak optimist: ndikimi i inteligjencës artificiale dhe automatizimit mund të zhdukë deri në 12 milionë vende pune në SHBA dhe Europë në 5 vitet e ardhshme, duke detyruar miliona profesionistë të ndryshojnë rrugën e karrierës.
Mund të tingëllojë e frikshme. Por ka edhe një anë tjetër pozitive: humbja e këtyre vendeve të punës do të shoqërohet me krijimin e roleve të reja, shumë prej të cilave ende nuk i kemi dëgjuar ndonjëherë.
Në fakt, Forumi Ekonomik Botëror parashikon se deri në vitin 2030 do të krijohen rreth 170 milionë vende të reja pune, që përfaqësojnë afro 14% të punësimit aktual. Këto role të reja do të lindin si rezultat i zhvillimeve teknologjike, fokusit në energjinë e pastër dhe transformimeve të tregut, duke kërkuar aftësi të reja dhe mendësi të reja.
Çfarë duhet të dimë sot?
Ka dy pyetje kryesore që na shqetësojnë:
Ja 21 profesione që rrezikojnë të zhduken deri në vitin 2030:
(Të bazuara në të dhënat nga Forumi Ekonomik Botëror, LinkedIn dhe Institute of Banking and Technology)
Punonjësit e shërbimit postar
Sportelistët në banka
Operatorët e të dhënave
Arkëtarët dhe punonjësit e biletave
Asistentët administrativë dhe sekretarët ekzekutivë
Punëtorët e shtypshkronjave
Kontabilistë dhe zyrtarë të pagave
Magazinerët dhe mbajtësit e regjistrave të materialeve
Punonjësit e transporteve publike
Shitësit derë më derë dhe tregtarët ambulantë
Dizajnerët grafikë
Vlerësuesit dhe hetuesit e dëmeve
Sekretarët juridikë
Telefonistët (Telemarketing)
Punonjësit bazik të IT-së
Punëtorët në linjat e montimit
Operatorët e makinave industriale
Punonjësit e përpunimit në depo
Agjentët e udhëtimeve
Nënshkruesit e sigurimeve
Zyrtarë ligjorë në pozicione të përsëritshme
Si të mbroni karrierën tuaj pas vitit 2025:
1. Mëso aftësitë që kërkohen
Kërko raporte të punës nga platforma si Coursera ose Forumi Ekonomik Botëror dhe analizo çfarë aftësish po kërkohen. Disa nga më të rëndësishmet janë: njohuritë bazë në AI, analiza e të dhënave, drejtimi i talenteve, dizajni i eksperiencës së përdoruesit, marketingu dixhital dhe zgjidhja e problemeve.
2. Forco aftësitë tënde të transferueshme
Nëse roli yt i mëparshëm s’ka më vlerë në treg, rikonstrukto identitetin tënd profesional rreth aftësive që vlejnë për shumë role: përmirësimi i proceseve, menaxhimi dixhital, bashkëpunimi ndërfunksional, optimizimi i rrjedhës së punës.
3. Ndërto siguri dhe fleksibilitet
Mos mbështet jetën tënde vetëm te një vend pune. Ndërto alternativa – të ardhura pasive, punë të dyta, projekte freelance apo një biznes të vogël familjar. Kjo të jep kontroll dhe të mbron nga papriturat./E.S
