Kreu i Partisë Demokratike, Sali Berisha ka mbajtur fjalën e tij në takimin e mbajtur me shqiptarët në Selanik.
Berisha tha se qëndrimi i shqiptarëve më 11 maj është vendimtar për të ardhmen e kombit.
Më tej kryedemokrati tha se nga 2019 Shqipëria ka më shumë vdekje se lindje dhe është vendi me lindshmërinë më të ulët në botë.
“Shqipëria këto 12 vite ka njohur të këqija që nuk i mban mend në tërë ghistorinë e saj. Asnjë epidemi nuk ka arritur në 10 vite të pakësojë shqiptarët me 45% siç ka arritur regjimi i Edi Ramës. Qëndrimi i shqiptarëve më 11 maj është shpëtimtar, vendimtar për të sotmen dhe të ardhmen e kombit. Mendoni për një moment ku jemi sot, se çfarë të ardhme kemi sot. Një komb që nga viti 2019 ka më shumë vdekje se lindje. Një komb që për shkak të migracionit ka lindshmërinë më të ulët në botë”, tha Berisha./E.T
