Një ditë më parë, mediat botërore e bënë fakt të kryer arritjen e marrëveshjes ndërmjet Ancelottit dhe Federatës Braziliane, por pikërisht atëherë kur të gjithë prisnin zyrarizimin, Real Madrid është kthyer në një pengesë, të paktën për momentin.
Në Spanjë zbulojnë se klubi i Realit nuk ka ndërmend të lë të lirë Ancelottit përpara përfundimit të Botërorit për Klube. Ideja e presidentit Perez është që të udhëtojë në SHBA me Ancelottin në stol.
Jo vetëm kaq, Perez nuk e ka pritur mirë faktin që Ancelotti udhëtojë të martën në Londër për të takuar përfaqësues të Federatës braziliane. Në këto kushte, marrëveshja Ancelotti-Brazil ka pësuar një frenim të fortë pasi drejtuesit e pesë herë kampionëve të botës e kanë me nxitim gjetjen e një trajneri të ri./ D.C
