Ish-Presidenti Barack Obama dhe bashkëshortja e tij Michelle Obama, prej kohësh thuhet se kanë një krizë serioze në martesën e tyre.
Edhe pse më herët ish-presidenti i bëri një dedikim të ndjerë nënës së tij për datëlindje, burime pranë çiftit treguan se marrëdhënia e tyre është përkeqësuar muajt e fundit, e nxitur nga tensioni, distanca në rritje dhe pëshpëritjet për praninë e një gruaje tjetër në jetën e Barack.
Por së fundmi, një darë romantike në New York ka hedhur poshtë këto zëra. Michelle dhe Barack Obama i kanë dhënë fund spekulimeve me një paraqitje publike që konfirmonse çifti i njohur është ende bashkë dhe i dashuruar.
Ish-Zonja e Parë dhe ish-Presidenti i Shteteve të Bashkuara u fotografuan mbrëmjen e së martës teksa dilnin nga restoranti luksoz i hotelit Lowell në Manhattan, New York. Kjo është dalja e parë publike së bashku që prej më shumë se gjashtë muajsh.
Michelle, 61 vjeç mahniti me një fustan të zi me pala dhe taka elegante. Ajo ishte e buzëqeshur në fytyrë dhe nuk i mungonte unaza e martesës.
Barack Obama, 63 vjeç, ishte veshur me një kostum klasik dhe serioz në paraqitje, duke ndjekur bashkëshorten teksa shoqëroheshin nga truproja e Shërbimit Sekret amerikan.
Barack ka ndarë së fundmi në Instagram një dedikim të ndjerë për Ditën e Nënës, duke shkruar:
“@MichelleObama, unë dhe vajzat jemi me shumë fat që të kemi në jetën tonë. Të duam”, duke iu referuar vajzave të tyre Malia, 26 vjeç dhe Sasha, 23 vjeç.
Edhe përvjetori i tyre i 31-të i martesës në tetor, ditëlindja e Michelle në janar dhe Dita e të Dashuruarve në shkurt u shoqëruan me mesazhe dashurie publike nga Barack.
Barack dhe Michelle janë të martuar që nga viti 1992 dhe konsiderohen një nga çiftet më të dashura e më me ndikim në skenën politike dhe kulturore globale./e.t
