Larg Gazës, i dërguari i SHBA-së për Lindjen e Mesme, Steve Witkoff, është në Itali për t’u takuar me zyrtarë të lartë izraelitë dhe të Katarit për të diskutuar mundësinë e një armëpushimi midis Izraelit dhe Hamasit.
Sipas mediave të huaja, planet që po diskutohen thuhet se përfshijnë një armëpushim 60-ditor, akses më të madh për ndihma dhe lirimin e pengjeve izraelite.
Kjo lëvizje vjen ndërsa qeveria izraelite thotë se ka marrë përgjigjen e Hamasit ndaj propozimit të saj për një marrëveshje armëpushimi në Gaza dhe se ajo është duke u shqyrtuar. Ende nuk dihet se çfarë përfshin ky propozim i fundit.
Më herët këtë muaj, zyrtarët palestinezë të njohur me detajet e diskutimeve i thanë korrespondentit të BBC-së në Gaza, Rushdi Abualouf, se negociatat midis Izraelit dhe Hamasit për një armëpushim të ri në Gaza dhe një marrëveshje për lirimin e pengjeve ishin në prag të dështimit./E.T
