Zyrtarë federalë në SHBA thanë se kishin nisur një hetim ndaj ish prokurorit të posaçëm Jack Smith, i cili udhëhoqi dy çështje kriminale kundër presidentit Donald Trump, para se të dorëhiqej nga posti më herët gjatë vitit.
Zyra e Këshilltarit të Posaçëm ka konfirmuar për agjenci të lajmeve, përfshirë Reuters dhe Associated Press, se është duke hetuar nëse Smith e ka shkelur ligjin i cili ua ndalon punëtorëve federalë të përdorin pozitën e tyre për aktivitete politike.
Zyra e ka marrë këtë vendim pas një kërkese për hetime të nisur nga senatori amerikan, Tom Cotton, republikan nga Arkansasi. Smith u emëruar si prokuror i posaçëm në vitin 2022 për të hetuar pretendimet e mundshme për keqpërdorim të dokumenteve të klasifikuara nga ana e Trump dhe përpjekjen e tij të mundshme për të ndërhyrë në zgjedhjet e 2020-ës.
Zyra e këshilltarit të posaçëm nuk ka autoritetin për të ngritur akuza ndaj Smith, por mund të nisë një aksion disiplinor ose t’ia referojë zbulimet departamentit të drejtësisë. m.p.
