Pas Luis Diaz, lojtari i radhës që pritet të transferohet te Bayern është Nick Woltemade.
Gjermani, i cili do të kushtojë 50 deri në 55 mln euro, konsiderohet si pasuesi perfekt i Thomas Muller. Duke qenë se Musiala do të mungojë për shkak dëmtimi deri në fund të nëntorit, bavarezët brenda pak ditësh pritet të blejnë yllin e Stuttgart.
Woltemade luan si sulmues i dytë dhe si sulmues qendre. Me rikthimin e Musialës, ai do të mund të përdoret si zëvendësues i Harry Kane.
Ndërkohë, mediat gjermane raportojnë se Bayern po planifikon dy shitje, Sascha Boey dhe Kim. Ata së bashku pritet të sjellin rreth 50 mln euro në arkën e klubit. Kjo shifër do të përdoret për të blerë një mbrojtës të djathtë.
Kështu, Stanisic do të luajë si qendërmbrojtës dhe reparti defensiv i Bayern do të kompletohet. m.p.
