Vullkani Krasheninnikov në Kamchatka ka lëshuar një ‘koloni’ hiri tre kilometra të lartë, duke paraqitur një kërcënim potencial për aviacionin vendas.
Lajmi u raportua nga Ekipi i Reagimit ndaj Shpërthimeve Vullkanike të Kamchatka (KVERT), duke cituar RIA Novosti, teksa u shoqërua edhe me pamjet e frikshme nga reja gjigante e hirit vullkanik që mbulli zonën.
Është lëshuar një kod portokalli rreziku për aviacionin. Vullkani ndodhet 200 kilometra nga Petropavlovsk.
“Kolona e hirit shtrihet 170 kilometra në juglindje të vullkanit”, vunë në dukje shkencëtarët. Në orët e fundit, raporton Alaska Public Media, hiri nga gadishulli rus ka shkaktuar anulimin e fluturimeve të Alaska Airlines për në Nome dhe Kotzebue.
Alaska do të presë edhe samitin midis Donald Trump dhe Presidentit rus Vladimir Putin ditën e nesërme, por autoritetet nuk kanë dhënë asnjë informacion nëse pengohet fluturimi i “force one” të dy presidentëve respektivë.
Ngjarja u raportua ditën e sotme, teksa mediat informuan se reja e tymit vullkanik shkoi deri në 3 km lartësi./E.T
