Harry dhe William kanë përjetuar humbjen më të madhe në gusht të vitit 1997, me vdekjen e nënës së tyre, Princeshës Diana.
Edhe pse me kalimin e viteve marrëdhënia mes vëllezërve është ftohur ndjeshëm, ndikimi dhe trashëgimia e Dianas mbetet ende shumë e pranishme në jetën e tyre.
Ish-sekretari i saj privat, Patrick Jephson, theksoi se Diana u ka lënë djemve të saj këshilla të vlefshme dhe paralajmërime të rëndësishme, duke i udhëzuar që pushteti dhe dashuria e publikut fitohen vetëm përmes shërbimit dhe sakrificës.
Sipas tij, fryma e Dianas vazhdon t’i shoqërojë çdo ditë, duke u ofruar mbështetje, udhëzim dhe frymëzim përgjatë rrugës së vështirë që ata kanë zgjedhur.
Nga ana tjetër, ekspertët mbretërorë theksojnë se ndarja mes Harry-t dhe Williamit është e thellë dhe e zgjatur, dhe se pajtimi mund të ndodhë vetëm nëse Harry bën hapin e parë për të kërkuar falje.
Historiania Amanda Foreman shton se vështirësia qëndron tek fakti se secili dëshiron që pajtimi të ndodhë sipas kushteve të veta.
Megjithatë, ekziston një fushë ku ata duket se gjejnë gjuhë të përbashkët: prindërimi.
Si William, ashtu edhe Harry, janë të përkushtuar që fëmijëve të tyre t’u ofrojnë një fëmijëri sa më të natyrshme dhe të shëndetshme, ashtu siç kishte dëshiruar edhe Diana për ta. Kjo vlerë e përbashkët shihet si një nga sukseset e tyre më të mëdha dhe një dëshmi se trashëgimia e Dianas jeton përmes mënyrës se si ata kujdesen për familjet e tyre.
Në fund, pavarësisht dallimeve të thella mes tyre, mësimet e Princeshës Diana për dashurinë, sakrificën dhe shërbimin publik mbeten një urë e fortë që i lidh William dhe Harryn. /e.t
