Më shumë se 1,000 njerëz kaluan Kanalin drejt Mbretërisë së Bashkuar me varka të vogla të premten, një ditë pasi emigranti i parë u deportua sipas marrëveshjes “një brenda, një jashtë” i realizuar mes Britanisë dhe Francës.
Marrëveshja hyri në fuqi më 5 gusht, pasi u nënshkrua nga të dy vendet dhe u miratua nga Komisioni Evropian.
Shifrat e fundit të Ministrisë së Brendshme tregojnë se 1,072 njerëz e bënë udhëtimin në 13 varka – mesatarisht më shumë se 82 persona për varkë.
Numri i njerëzve që kanë bërë kalimin deri më tani është 32,103, një rekord për këtë pikë në një vit.
Ministrat shpresonin se marrëveshja do të vepronte si një pengesë, duke u treguar migrantëve të ktheheshin në Francë, por shkalla e kalimeve të së premtes sugjeroi se politika deri më tani kishte pak efekt tek ata që ishin të përgatitur të bënin kalimin e rrezikshëm përmes Kanalit.
Sipas marrveshjes me Francën, Mbretëria e Bashkuar mund t’i kthejë emigrantët që hyjnë në Mbretërinë e Bashkuar me anije të vogla përsëri në Francë.
Për secilin të kthyer, Anglia do të lejojë një azilkërkues të hyjë përmes një rruge të sigurt dhe ligjore – për sa kohë që ata nuk janë përpjekur më parë të hyjnë ilegalisht./e.t
