Më 1969, në një fluturim testues në linjën Toulouse–Londër, avioni Concorde 001 shënoi një moment historik për aviacionin civil botëror.
Për herë të parë, një avion pasagjerësh theu rekordin e shpejtësisë së zërit, duke arritur një shpejtësi maksimale prej 2.200 km/orë (Mach 2). Ky sukses shënoi lindjen e një epoke të re, ku udhëtimet ajrore nuk do të mateshin më me orë të gjata, por me gjysmë kohe.
I projektuar bashkërisht nga Franca dhe Britania e Madhe, Concorde u bë simbol i teknologjisë së avancuar dhe luksit të padiskutueshëm në qiell. Me dizajnin e tij futurist dhe krahët në formë delta, ai ofronte komoditet dhe shpejtësi që nuk kishin krahasim: një fluturim nga Londra në Nju Jork mund të bëhej për më pak se 3 orë e gjysmë.
Për shumë vite, Concorde u konsiderua si maja e arritjeve të transportit civil ajror dhe një ikonë e epokës moderne. Megjithatë, kostoja e lartë e mirëmbajtjes, çmimi i biletave dhe veçanërisht një aksident tragjik në vitin 2000 në Paris – i cili mori jetën e 113 personave – ndikuan që besimi ndaj tij të tronditej.
Pas 27 vitesh shërbimi, Concorde u tërhoq nga qarkullimi në vitin 2003, duke mbyllur një kapitull të lavdishëm, por edhe të diskutueshëm, të historisë së aviacionit. Sot, Concorde mbetet një simbol i guximit teknologjik dhe i ëndrrës njerëzore për të sfiduar kohën dhe hapësirën.
Përgatiti: L.Veizi
