Gjatë një momenti të pazakontë në një konferencë shtypi, ndërsa presidenti polak Donald Tusk po fliste me gazetarë polakë, njëri prej tyre i bëri një pyetje në anglisht kryeministrit hungarez Viktor Orban, i cili po qëndronte aty pranë me gazetarë hungarezë.
I inkurajuar edhe nga Tusk, Orban iu afrua grupit dhe u pyet: “Kush përbën kërcënimin kryesor për Evropën?”
“Rreziku i vërtetë? Stagnimi ekonomik dhe humbja e konkurrueshmërisë”, – u përgjigj Orban.
Kur gazetari e pyeti: “Jo Rusia?”, kryeministri hungarez tha:
“Ne jemi më të fortë se Rusia. Ne kemi më shumë se 400 milionë banorë, Rusia është rreth 130 milionë. PBB-ja e Evropës është shumë më e madhe se e Rusisë. 27 vendet anëtare shpenzojnë së bashku më shumë për ushtri sesa rusët. Atëherë pse të kemi frikë? Ne jemi më të fortë se ata.”
