Mbrojtësi i Kombëtares Shqiptare, Ardjan Ismajli, nuk do të jetë i gatshëm për ndeshjen ndaj Serbisë më 11 tetor në Leskovc. Rezultatet e rezonancës magnetike të kryera sot kanë konfirmuar se lojtari nuk është në gjendje optimale për t’u bashkuar me skuadrën në grumbullim.
Mungesa e Ismajlit është një goditje e rëndësishme për Sylvinhon, i cili tashmë duhet të mbështetet tek Enea Mihaj dhe debutuesi Klisman Caka si alternativa për qendrën e mbrojtjes, përkrah Gjimshitit dhe Ajetit.
Kjo është një mungesë me peshë për kuqezinjtë në prag të një sfide delikate dhe historikisht të ndjeshme si ajo kundër Serbisë. m.p.
