Ish-kryeministri grek, Alexis Tsipras, njoftoi të hënën dorëheqjen e tij nga parlamenti, duke nxitur spekulimet se ai mund të jetë duke u përgatitur të nisë një lëvizje të re politike.
«Ndoshta së shpejti do të udhëtojmë përsëri së bashku në dete më të bukura», tha Tsipras në një deklaratë të çuditshme, e cila u interpretua gjerësisht si një sinjal i rikthimit të tij në politikën e vijës së parë.
Rënia e mbështetjes për qeverinë konservatore të Demokracisë së Re dhe mungesa e një udhëheqësi të besueshëm të opozitës kanë krijuar kushte që mund të favorizojnë rihyrjen e Tsipras në arenën politike.
Tsipras, i cili udhëhoqi partinë e krahut të majtë SYRIZA, shërbeu si kryeministër nga viti 2015 deri në vitin 2019, duke e drejtuar Greqinë në kulmin e krizës së saj financiare. Mandati i tij përfundoi kur SYRIZA humbi pushtetin ndaj Demokracisë së Re, e cila ka qeverisur që atëherë.
Dorëheqja e tij vjen në mes të paqëndrueshmërisë politike në rritje në Greqi./E.T
