Mesfushori Alessio Hyseni është dhënë për huazim deri në përfundim të sezonit te Klaksvikari, kampionët e ishujve Faroe, nga Partizani.
Ky lajm është bërë publik nga klubi i “Demave” në një postim në faqen zyrtare në “Facebook”. Në njoftimin e klubit të Partizanit bëhet me dije se Hyseni do të qëndrojë te klubi huazues deri në fund të sezonit 2019-2020.
Ai kaloi te kampionët e Superligës shqiptare vitin e kaluar, pasi u ble nga skuadra e Flamurtarit, por siç duket nuk arriti që të gjente hapësirë të mjaftueshme te të kuqtë.
Më tej, në komunikimin e Partizanit shtohet se marrëveshja me klubin e Klaksvikarit u arrit me pëlqimin e të treja palëve./Fjala.al/
