Më shumë se 200 persona ndërruan jetë dhe 300 mijë të tjerë mbetën të pastrehë si pasojë e një shpërthimi të fuqishëm që ndodhi ë Bejrut rreth një muaj më parë.
Ka akuza se ishin paralajmëruar se depozitimet në port ishin të rrezikshme dhe nëse shpërthenin, do të kishin pasoja fatale.
Vullnetarë të shumtë të shoqëruar nga skuadrat e shpëtimit,vijojnë ende të kërkojnë nën rrënoja për të humburit.
Shpresë për Bejrutin. Kërkuesit nga Kili teksa po kalonin pranë një ndërtese, qeni i tyre dha sinjal se një person ishte gjallë nën rrënoja. Ai u rikthye sërish në të njëjtin vend disa orë më vonë teksa dha të njëjtin sinjal. Më vonë, grupi përdori skanerin që kërkon për rrahje zemre dhe filluan të gërmojnë nën rrënoja.
Vullnetarët gërmuan me duar, pasi ndërhyrja e mjeteve ishte e pamundur për shkak se rrezikohej shembja e ndërtesës.
Korrespondetët e Al-Jazeera tregojnë se “skuadrat e shpëtimit kanë identifikuar një trup i cili mund të jetë i një personi të gjallë që ndodhej nën rrënoja.” Nuk dihet ende sa mundësi ka, pasi sipas studimeve njeriu mund të mbijetojë pa ujë vetëm disa ditë./Er.Ke/Fjala.al/
