Figura e Esad pashë Toptanit është diskutuar shumë ditët e fundit në vendin tonë, pas dekorimit që i bëri presidenti Ilir Meta figurës së Avni Rustemit.
Bonin Toptani, një nga pasardhësit e Esad pashë Toptanit njofton se së shpejti do të botohet një libër për figurën e Esadit.
Ai sqaron se historiani i mirënjohur shqiptar Hasan Bello, autor i disa botimeve historike me vlerë për historinë tonë kombëtare e shtetërore do të botojë së shpejti librin “Dokumente mbi Esad pashe Toptanin.”
Nga Bonin Toptani
Mbi Esad pashe Toptanin…
Jemi ne pritje të librit më të ri mbi figurën historike të Esad pashë Toptanit: “Dokumente mbi Esad pashe Toptanin”, nga historiani i mirënjohur shqiptar Hasan Bello, autor i disa botimeve historike me vlerë për historinë tone kombëtare e shtetërore.
Ky është libër i veçantë në dy vëllime. Në të paraqiten dokumente reale historike të grumbulluara pas një pune të gjatë kërkimore shkencore mbi figurën e E. Toptani, figurë qe është tërësisht e panjohur për gati 90% të shqiptarëve që lexojnë pak literature.
Natyrisht duke lënë mënjane kategorinë e historianëve që perfaqësojnë rrymën historike që
mbron punën dhe pseudovlerat e diktaturës enveriane, për të cilët Toptani ishte dhe mbetet “armiku i klasës” më i shquar, tabela e zakonshme për të bere qitje lehtësisht.
Veçse, për hall te kësaj kategorie studiuesish e për fat të shqiptareve të tjerë, historia e Shqipërisë
dhe e figurave te saj, nuk është ndjekur vetëm nga “djemtë” e diktaturës, apo shkruar vetëm në shqip nga ata qe pretendojnë se mbajnë çelësat e historis sonë kombëtare.
Sigurisht jo! Historinë tone e kane përcjell dhjetëra studiues të huaj, veç toneve, sidomos në
gjuhët më kryesore të botes e evropiane dhe këtë nuk e çbëjnë dot me! As diktatura nuk ia doli.
Kështu miresevjen libri dy-vëllimesh mbi Esad pashe Toptanin.
La.Mi.Fjala.al
