Një i ri nga Republika Domenikane, pas një udhëtimi në vendin e tij, kthehet në Itali, në Vercelli, qyteti ku punon dhe jeton.
Nga ai moment, i riu ishte i prekur me koronavirus, ka infektuar të paktën 126 persona, njëri prej të cilëve humbi jetën.
Epidemiologët thanë se ky rast doli nga kontrolli dhe u bë shkak i një prej shpërthimeve më të mëdha në Piemonte.
Epidemiologu Fabrizio Faggiano, anëtar i njësisë anti-Covid-19 në Valle d’Aosta, dhe profesor i Higjienës në Torino ka rindërtuar zinxhirin e infeksioneve.
Siç është raportuar nga gazeta Il Corriere della Sera, gjithçka filloi më 13 korrik kur i riu kthehet nga Republika Dominikane. Ai nuk tregon se është i infektuar dhe vijon jetën krejt normalisht, në një kohë kur në Vercelli nuk kishte asnjë rast pozitiv.
Në një jetë pa kufizime, pa maska dhe pa distancë sociale, nga pishina në diskotekë, virusi përhapet me lehtësi dhe shumë bherë më shpejtë.
E gjithë kjo pati një historik: I riu në datat 21 dhe 22 korrik, ai takoi disa miq në një pishinë dhe i infekton ata. Më 26 shkon në një klub nate ku transmeton virusin tek menaxheri i klubit dhe te 58 persona të tjerë duke përfshirë klientët dhe stafin, të cilët pa dijeni infektojnë 15 anëtarë të familjes.
Ndërkohë, takon edhe dy miq, të cilët u transmetojnë Covid tek të paktën 33 kolegë. Këta të fundit infektojnë të paktën 8 anëtarë të tjerë të familjes.
Por kjo nuk është e gjitha sepse një nga njerëzit e pranishëm në diskotekë shkon në një lokal në ditët në vijim dhe infekton disa klientë të tjerë. Ndërsa një tjetër merr pjesë në një funeral duke infektuar disa të pranishëm.
Nga bilanci i bërë në përfundim, u vu re se 12% e infeksioneve ndodhën në një mjedis miqësor/familjar, 26% në vendin e punës, 62% në kohën e lirë. Ru. Do/ Fjala.al
