Këshilli i Lartë i Prokurorisë ka zgjedhur Arben Krajën mes 2 kandidatëve të tjerë për kreun e SPAK-ut. 2 kandidatët e tjerë kanë qenë prokurorët Altin Dumani dhe Edvin Kondili.
Mbledhja plenare e KLP ka nisur me deklarimin dhe dorëzimin nga ana e anëtarëve të KLP-së i deklaratave, lidhur me pengesat ligjore dhe konfliktin e interesave në kuadër të procesit të vendimmarrjes për Drejtuesin e Prokurorisë së Posaçme.
Arben Kraja ka filluar të punojë si Prokuror në Prokurorinë e Përgjithshme 16.08.2002. Vendimi i Institucionit te kualifikimit datë 17.12.2018 ka konfirmuar në detyrë duke rivlerësuar Arben Krajën. Në deklarimin e pasurisë të vitit 2003 Kraja ka qenë pronari i një apartamenti 2+1 të cilin e ka marrë me kredi dhe një shtëpie e cila është si pasojë e trashëgimisë.
Përsa i përket deklarimit të pasurisë së kreut të SPAK, në vitin 2016 ai posedon 3 llogari bankare ku konkretisht ka pasur 3.60 lek në Raiffeisen Bank. Gjithashtu ai ka pasur llogari në fondin e Investimit “Raiffeisen Prestigj”, në Raiffeisen Ivest ku është investuar shumë prej 382.000 lekë. Po në këtë vit Arben Kraja ka poseduar llogarinë e kredisë në Bankën Kombëtare Tregtare ne Tiranë me një gjendje prej 929,31 euro.
Për sa i përket të ardhurave neto nga paga si Prokuror në Prokurorinë e Përgjithshme për vitin 2016, pagë e cila kalon në Credins Bank ai zotëron 1.587.432 lek . Ai ka të ardhura si Ekspert i Shkollës Administratës Publike në Dhjetor 2016, të cilat përbëjë 7.650 lek. Të ardhura nga ndryshimi i çmimit të kuotës në fondin e Investimit në Raiffesen Invest (interes) janë 9.536.23 lek. Bashkëshortja e tij ka të ardhura nga paga 1.574.551 lek.
Kreu i SPAk ka ende 26.134 Eruo gjendje të detyrimit të mbetur pa shlyer deri në 31 Dhjetor të vitit të deklaruar.
