Kryeministri Edi Rama në nisje të fushatës përmbyllëse në Tiranë, që në fjalët e para i kërkoi falje djalit të tij, Zahos meqë nuk e mori dot.
Ai po ashtu sulmoi opozitën për ngjarjen e rëndë në Elbasan, duke thënë se është mëse i bindur që PS është drejtimi i vetëm dhe i duhur.
“I kërkoj falje Zahos, se nuk e mora sot këtu, se donte të vinte, po nuk e la Linda. Dhe Zaho e pyeti pse nuk më le të shkoj, Linda i tha se ti nuk voton. Po mirë i tha Zaho, kur të rritem unë ti do më votosh? Por unë nuk i kam thënë Zahos që për të arritur në këtë stad duhet një punë e madhe patronazhimi.
Dhe me patronazhistët dua ta nis, për t’i falenderuar për punën e madhe. Dhe pas asaj të Elbasanit, jam i bindur më shumë se kurrë që ne jemi drejtimi i duhur. Ka Zot, se ata që i bënë të gjitha ato kundër jush, dolën zhveshur, po jo si unë zhveshur, se ashtu nuk dalin dot as ashtu, se kur mendoj ata zhveshur mos o Zot, dolën zhveshur me gjithë përmasën e karakterit të tyre. Se gjithë Shqipëria u trondit nga humbja e një jete, morën përsipër të thoshin se ata e kanë një grup të armatosur të shpërndarë kudo,” tha Rama.
