Një sulmues i armatosur ka vrarë rreth 100 civilë në një qytet në veri të Burkina Faso. Ky është sulmi më i përgjakshëm, që prej se ky shtet i Afrikës Perëndimore ishte kontrolluar nga xhihadistët e lidhur me Al-Kaidën dhe grupin militant, Shteti Islamik rreth pesë vjet më parë.
Ngjarja ndodhi gjatë natës së 4 qershorit dhe mëngjesit të 5 qershorit në qytetin Solhan, që gjendet në afërsi të kufirit me Nigerin.
Militantët po ashtu kanë djegur shtëpi, tha qeveria përmes një njoftimi për media.
Presidenti i Burkina Fasos, Roch Marc Christian Kabore e quajti sulmin si akt “barbar”.
Zyrtarët lokalë paralajmëruar se numri i viktimave mund të rritet.
Sulmet nga xhihadistët e lidhur me Al-Kaidën dhe Shtetin Islamik kanë vrarë mijëra persona dhe rreth 3 milionë persona të tjerë janë zhvendosur përgjatë rajonit Sahel, veçanërisht në zonën kufitare mes Burkina Fasos, Malit dhe Nigerit.
Një koalicion kundër terrorizmit, i njohur si grupi i pesë vendeve – Burkina Faso, Çadi, Mali Mauritania dhe Nigeri – po përpiqen që të largojnë nga zona xhihadistët.
