Cristiano Ronaldo pak ditë më parë mori vëmendje të madhe në rrjetet sociale për shkak të veprimit të tij. Ronaldo, pak para se të mbante një konferencë në lidhje me ndeshjen Portugali-Hungari, largoi dy shishe Coca-Cola nga tavolina dhe i zëvendesoi me ujë, duke tërhequr kështu një vëmendjen e mediave dhe mbarë tifozëve.
Ylli portugez bëri thirrje për një jetë më të shëndetshme, derisa kërkoi që të gjithë të konsumojnë ujë dhe jo pije të gazuara. Vlen të theksohet se nga ky moment Coca Cola pësoi humbje katër miliardë euro, pasi konsiderohej se ishte një “anti-reklamë”.
Ylli 36-vjeçar në disa intervista kishte thënë se nuk e lejon djalin e tij që të konsumojë pije të gazuara apo edhe ushqime të shpejta.
Por, për këtë “skenë” të krijuar tifozët nuk kanë qëndruar duar kryq dhe kanë reaguar ashpër ndaj yllit portugez. Ata i kanë bërë me dije se ai po bie në kundërshtim me veten, pasi në të kaluarën ka qenë imazh i Coca Cola, KFC-së dhe Mcd’s.
Ndërkohë edhe prestigjiozja spanjolle Marca ka publikuar edhe videon ku Ronaldo ka reklamuar Coca Colën
https://youtu.be/sGQ0BX3j8_E
