Kryeministri Edi Rama ka zhvilluar një takim në Pallatin e Brigadave me ekipin e sportistëve që do të nisen në Lojërat Olimpike në Tokyo.
“Përgatitja më e mirë se çdo herë tjetër. Dua të them se e kam pritur me shumë kënaqësi lajmin e zgjedhjes së fidelit si kryetar i komitetit olimpik. Skemi arritur ta motivojmë komitetin olimpik që të jetë në lartësinë e vetë, se misioni është edhe të qëndrojë pranë sportistëve. Misioni themelor i komitetit olimpik është krijimi i lëvizjes olimpike.
Smund të ketë lëvizje olimpike pa një ndërthurje të të gjithë energjive. Jemi munduar që kjo lëvizje të hyjë në një fazë të re dhe fillojë në shkolla një lëvizje e organizuar. Pas misionit olimpik në tokio do ulemi bashkë me komitetin për të hartuar një program të përbashkët për të shpjeguar programin tonë të ri të lidhur me sportin dhe prioritetin e prioritteve që është sporti për gjimnazet dhe universitetet. Kemi hartuar programin tonë për sportin. Uroj që bashkëpunimi me japoninë dhe ura e komunikimit që kemi ngritur të forcohet edhe falë këtij misioni. Sido që të jetë rezultati nëse ju bëni gjithçka mundeni e keni kryer detyrën”, tha Rama.
